Acceso usuarios
Rosa Ramos
Hizkuntza eskubideen inguruan gogoeta eginez hasten ditu lehenengo bi atalak Paul Bilbaok (¿Zein hizkuntza eskubide? Hortaz, ze balorazio?¿). Behatokiaren aburuz hizkuntza komunitate guztien eskubideak berdintasun-irizpidetik aitortzen dituen dokumentua izan bada. Hala ere, oraindik Nazio Batuen Erakundeak, ez eta bestelako instituzioek ere, ez du bere egin eta ez dauka arau edo erregelamendu izaerarik: Hizkuntza Eskubideen Deklarazio Unibertsala (2002). Hizkuntz Eskubideen Deklarazio Unibertsalak jasotzen dituen printzipioetan oinarriturik Nafarroako administrazioan gaur egun dagoen hizkuntza eskubideen egoeraren isla jaso nahi izan dute hurrengo atalean, eta aldi berean, hizkuntza eskubideen urraketak zein diren nabarmendu digu. Azken atalean, ondorioetan, ideia nagusi bat azpimarratzen digu Bilbaok: eraman dezagun eztabaida eskubideen eremura, hor ez baitago esaterik Nafarroako Gobernuak nafar guztien hizkuntza eskubideak bermatzen dituenik. Are gehiago, hizkuntza eskubideak urratzen dituen ordenamendu juridikoaren garapen gero eta murriztaileagoa jorratuz doala froga dezakegu. Hortaz, guztion lana da geure diskurtsoetan hizkuntza eskubideak erdigunean kokatzea, eta gure azterketak irizpide horietan oinarritzea.
