Acceso usuarios
Pello Mariñelarena
Hutsetik eta erakunde ofizialen laguntzarik gabe jaio zen herri mugimenduak (ikastolak) finantza-tresna berria behar zuen eta hortik sortu ziren pixkana-pixkana ikastolen aldeko festak. Festa hauen jatorria azaldu ondoren, etenik gabe ospatu diren 25 ekitaldien berri eman digu egileak artikulu honetan. Festaren ezaugarriak sei puntutan bildu dituzte: 1-Nafarroako Ikastolen Elkartearen festa. 2-Herriaren festa herriarentzat auzolanean. 3-Euskalduntasuna. 4-Beste kulturak: elkar bizitza eta errespetua. 5-Ibiltaria. 6-Guztion proiektua. Festa hauen etorkizuna hiru aspekturen mendean ikusten dute beraiek: a) Lehena da beharra izatea eta, ondorioz, ahalegin hori egiteko prest dauden ikastolak egotea. Hori ziurtatua dago, hainbat ikastolak eskatu dutelako. b) Beste aspektu bat kalitatearena da. Xede horretarako, NIEn batzorde bat eratu da, festan hobetu beharrekoa lantzeko. c) Eta, azkenik, ez da ahaztu behar ikastolek izan behar duten eta duten erantzukizuna, euskaltzale guztien proiektua kudeatzeko. Horrenbestez, inolako zalantzarik gabe esan dezakegu: 26 ETA ASKOZ ERE GEHIAGO.
