Acceso usuarios
Lan honen helburua bi gune soziolinguistiko desberdinetan euskararen erabilera eta familia bidezko transmisioa aztertzea izan da. Lehen hizkuntza gaztelania izanik, euskara batez ere hezkuntza-sistemaren bidez ikasi duten euskaldunek osatu zuten unibertsoa: Olabide Ikastolako ikasle izandakoen artean egin zen azterketa. Antzeko ezaugarriak dituen beste talde bat aztertzea erabaki zuten, baina gune euskaldunago batean : Donostiako Santo Tomas Lizeoko ikasle ohiak aukeratu ziren. Datu-bilketa 2004an eta 2005ean zen; elkarrizketa telefonoz egin zen, eta galdera-sorta itxia eta egituratua erabili zen. Laginaren edo unibertsoaren ezaugarriak argitasunez azaltzen dizkigu egileak atal batean: lehen hizkuntza, hizkuntza gaitasun erlatiboa, euskararen erabilera, etxeko erabilera, ... Jarraian, euskarari buruzko transmisioaren inguruko emaitzak eskaintzen dizkigu: alegia, seme-alaben lehen hizkuntza, gurasoen hizkuntza gaitasunaren arabera (bi ikastetxeetako datuak bereizita). Eta ondorioen atalarekin amaitzen da artikulua; hara bertako ideia bat: ¿Bi kolektiboetan gehiago erabiltzen da euskara hurrengo belaunaldikoekin (seme-alabekin hain zuzen) belaunaldi berekoekin baino (bikotekidearekin, neba-arrebekin eta lagunekin). Azken hauekin argi dago askoz gehiago hitz egin dezaketela euskaraz, beraz aurkitu beharko da modua ohitura hori aldatzeko eta bitartean euskararen erabilera-maila mantentzeko. Izan ere, antzematen hasi da seme-alabak hazi ahala, gutxiago erabiltzen dutela euskara euren artean.
