Acceso usuarios
Aurélia Merlan
Nel noroeste de la Península Ibérica fálense tres variedaes llingüístiques, consideraes como llingües minoritaries en rellación col castellán y el portugués: el gallegu y l’asturianu n’España y el mirandés en Portugal. Análicense nesti trabayu les concordancies y diverxencies principales ente les tres variedaes llingüístiques a nivel fonéticu, morfo-sintáuticu y léxicu ya intenta determinase en qué midida’l contautu llingüísticu col castellán y el portugués, respeutivamente, ye responsable del alloñamientu del gallegu frente al portugués y del mirandés frente al asturianu. Como cada una de les llingües n’análisis presenta subvariedaes diatópiques, la comparación afítase sobre too (pero non únicamente) dende los respeutivos estándares.
