Acceso usuarios
Na história do ensino e da emigraçom na Galiza para terras americanas merecen umha particular atençom os vários centros cridados individualmente por certas pessoas ou polas chamadas sociedades de instruçom. No presente artigo aborda-se a incidência deste tema na Costa da Morte, destacando em relaçom ao primero modelo as figuras de Fernando Blanco de Lema e José Carreras Frábegas, que douram os seus bens para levantar colégios nas suas respectivas vilas natais. E, quanto à segunda forma de cooperaçao educativ, interessa-nos sublinhar o labor da ABC (Associaçom Benéfica e Cultural de Concurbiom), que fundou até quatro escolas, cada umha delas dedicada a umha personagem galega ligada ao âmbito cultural dessa comarca. A seguir, analisamos pormenorizadamente as suas localizaçons e o estado actual dos prédios que ocuparam, assim como as orientaçons metodológicas e princípios pedagógico-didáctico que seguiram, os quais foram muito influenciados pela ILE (Instituiçom Livre do Ensino) e ainda hoje se revelam perfectamente aplicáveis.
