Acceso usuarios
Ferran Suay Lerma, Gemma Sanginés Sáiz
Hizkuntz ukipeneko egoeretan hizkuntza aukeratzeko jokabidea ikuspegi psikologikotik aztertu nahi izan dute egileek hemen aurkezten duten artikuluan. Eta horren aurrean gatazka-egoera horiei (hizkuntza gutxituen kasuan gertatzen diren gatazka-egoerei, hain zuzen) aurre egiteko esku hartze eredu bat proposatu nahi dute, beti ere hizkuntza gutxituko hiztunen ikuspegitik. Hipotesia da hizkuntza-mendetasun egoeran hiztunek sarritan beren hizkuntzan hitz egiteari uko egiten diotela. Horrek ez du esan nahi halabeharrez pertsona mendeko dela baina bai mendeko jokabideak garatzen direla, eta alderantziz. Beraz, jokabidean eragiten duten aldagaiak identifikatu ostean, TELP izeneko psikologian oinarritutako jokabide eredu bat proposatzen dute. Eredua ikastaroen bitartez aurkeztu izan dute eta bere helburua norbanakoaren baliabideak indartzea da.
