Acceso usuarios
Ekonomia arloan hizkuntza faktoreak duen eragina aztertzea ikerketa-lerro berria da, are gehiago hizkuntza gutxituen kasuan. Artikulu honetara, gai horren inguruan ekarpen garrantzizkoak egin dituzten egile-sorta bildu dugu.
Lehen partean, teoria ekonomikoaren eredu desberdinak erabiliz ekarpenak egin dituzten hiru egile bildu ditugu, hirurek gai bana kontuan hartu dutelarik: Hocevar-ek gizarte elebidunetan hizkuntzak berezitako produktuen merkatu-oreka aztertzen du; Sabourin-ek hizkuntza-gaitasun bereziak dituzten langileen soldata-esleipenak aipatzen ditu, eta Grin-ek hizkuntza gutxituen kasuetan, hiztun-ehunekoaren araberako erabilera planteatzen du.
Bigarren partean, Hocevar-en ereduaren kritika eta berrirakurketa proposatzen da, euskal/gaztelania merkatua behar bezain ondo islatzen ez duelakoan. Nolanahi ere, erakutsi nahi izan dugu eredu mikroekonomikoak kontutan hartzea lagungarri izan daitekeela hizkuntza ezaugarri indartsuak dituzten produktuen eskaintzaren inguruko erabakiak ulertzeko.
