Acceso usuarios
La cama de Vanessa gutiérrez ye una narración autobiográfica que tresciende les llendes avezaes del xéneru. amás de nun ser ficción, el rellatu declárase como una amuesa d’escritura auténtica o verdadera, que participa na construcción del yo de l’autora. l’envís del testu ye recrear el momentu de la illuminación propiu de la indagación introspectiva y dar testimoniu del procesu d’evolución que resulta d’él. esta finalidá llógrase al traviés d’una escritura que se desenvuelve en sincronía cola introspección y que se carauteriza pola forma fragmentaria y el sentíu de revelación que la propia narradora-y da. la materia del discursu ye la esploración del sitiu qu’ocupa la narradora en rellación cola so familia, n’especial coles muyeres; a partir de la visión que, en forma de símbolu (la cama), tien la narradora sobre esti asuntu, ella mesma estrae les claves precises pa pescanciar la so identidá femenina, llogrando asina superar les ambivalencies del yo en crecimientu.
