Acceso usuarios
Galiziera galiziarren %56aren ohiko hizkuntza da. Diktaduraren amaieratik gaurdaino, hizkuntza babesteko legeria garrantzizkoa garatu da. Nolanahi ere, hizkuntza-egoera azken 20-30 urteetan kontraesanez beterik garatu da, aldibereko aurrerapauso eta atzerapenekin. Alde batetik, hiztunak galtzen jarraitzen du eskola gaztelaniatze-eragile izaten jarraitzen baitu (galizieraz irakasteko dekretuak betetzen ez direlako batez ere), enpresa-munduan, justizia-arloan eta komunikabideetan bere presentzia oso urria da. Baina, beste alde batetik, kultura-, politika- eta gizarte-arloan asko erabiltzen da. Hala ere, duela bi urtez geroztik galizieraren egoera legala pasa den mendeko 80. hamarkadarenera itzuli da, Alderdi Popularrak gidatzen duen gobernuak hartutako hainbat erabaki atzerakoiren ondorioz.
