Acceso usuarios
Maite Quintanilla Lete
Gazteen euskararen erabilera kezka iturri bilakatu da azken hamarkadetan. Gaiaz asko hitz egiten da kalean, tabernan, eskoletan... Baina isilpeko ahotsa izan ohi da maiz gazteena, gazteez hitz egiten baita gazteekin baino gehiago. Honako ikerketan Soraluzeko gaztetxoek (15-16 urte bitarte) hizkuntzekin eta batez ere euskararekin daukaten harremana aztertzea izan da helburua. Hizkuntza hegemonikoa zein den eta nola eraikitzen den ulertzea. Gazteen erabileran eragiten duten faktoreak identifikatzea eta gazte hizkeren inguruan hausnartzea. Horretarako metodologia kualitatiboa erabili du egileak. Eta gazteen ahotsari bozgorailua ipinita, ikuspegi baikorretik landu da gaia.
