Acceso usuarios
Rosabel San Segundo Cachero 
La situación llingüística del conceyu L.lena amuesa que’l fenómenu nomáu neutru de materia ye bramente más complexu de lo que paez d’antemano. Desendolcando la propuesta de Jackendoff (1991), basada na combinación de rasgos semánticos [desllindabilidá] y [estructura interna], ye posible abordar dende una perspeutiva bastante amplia la variedá de nomes que acaben en -o na variedá llingüística l.leniza y que nun se correspuende namás con entidaes non cuntables. La desllindabilidá semántica paez que ye un rasgu relevante, ansina que’l valor negativu asóciase xeneralmente a la terminación -o, mentanto que’l valor positivu ta rellacionáu coles formes en -u y coles que presenten metafonía.
