Acceso usuarios
Aritza Eskandon
Ondoren irakurriko duzuen lanak Gasteizko Udaleko Euskara Zerbitzuak Kultur Kabiari eginiko enkarguan du abiapuntua. Gasteizko 0 eta 6 urte bitarteko haurren gurasoen artean euskararen transmisioak eta euskaraz sozializatzeak duten garrantziaz jabetzeko egitasmoa garatu nahi izan genuen lehenengo, gurasoei eurei bide-orri bat emateko ondoren. Izan ere, ez genuen susmo, aurreiritzi edo geure ustetik abiatu nahi izan, ez. Gurasoak epizentroan nahi genituen eta horretarako metodologia kualitatiboari helduta, zenbait eztabaida talde eta sakoneko elkarrizketa egin genituen Gasteizko tipologia askoko gurasoen artean, guraso multzo bakoitzari baliagarri egin dakizkiokeen ondorio, testigantza edo aholkuak emate aldera. Ondorengo lerroetan jasota dagoena egitasmoaren lehenego partea baino ez dago, ikerketaren partea, alegia.
