Acceso usuarios
Gwerfyl Roberts
Euskadi bezalaxe, Gales ere nazio elebiduna da eta bertako hizkuntza indigena, galesa, nazio nortasunaren eta lege-esparruaren funtsezko elementua da. Horrek inplikazioak ditu zerbitzu publikoetan, batez ere osasungintzan eta gizarte- zerbitzuetan; izan ere, arlo horietan, hizkuntza-beharrizanei modu ulerkorrean erantzutea ezinbestekoa da pazienteen segurtasuna eta duintasuna, baita zaintzaren kalitatea ere, bermatzeko. Artikulu honek osasungintzan eta gizarte-zerbitzuetan galesa indartzea helburu duten egungo politiketan txertatutako "eskaintza aktiboaren" printzipioa aztertzea du xede. Goi-mailako hezkuntzak duen rola nabarmentzen du galesezko bitartekoen eskaintza sendotzeko eta programa profesionaletan hizkuntzarekiko kontzientzia indartzeko. Hizkuntza handi bat nagusi duen osasun-sistema batean hizkuntza gutxituetako hiztunei osasun-zerbitzuak emateak erronka unibertsalak dakartza; hori ikusirik, gai hauek interesa pizten dute nazioarteko osasun-komunitatean eta elkarlanerako zein ekintzarako aukera gehiago irekitzen dituzte.
