Acceso usuarios
Tamara Rial Montes
O estudo dos sistemas de sibilantes do galego foi e segue a ser un dos puntos de maior interese para a lingüística galega por constituíren un terreo de profunda inestabilidade e pola dificultade da súa descrición. Neste artigo analízase, dende o enfoque da fonética acústica, o sistema de sibilantes de catro mulleres da localidade de Zas pertencentes a dous grupos de idade diferentes. Desta análise derívase que as mulleres de maior idade presentan un sistema dunha sibilante única, de realización apicoalveolar. Pola contra, no caso das mulleres máis novas, obsérvase un sistema non descrito anteriormente, formado por dúas unidades: a fricativa interdental xorda /θ/ e a sibilante apicoalveolar /s̺/, no que se mantén a despalatalización do /ʃ/ sen se tratar dunha fala seseante.
The nature of the sibilant systems of Galician has always attracted the attention of linguists due to their profound instability and descriptive elusiveness. The present article seeks to analyze, from an acoustic-phonetics perspective, the sibilant system of four women born in Zas (Galicia, A Coruña) who belong to two different age groups. This analysis has revealed that the older women display a one-sibilant system, with apical-alveolar realization. On the contrary, younger women show a previously undescribed system integrated by two units —a fricative interdental voiceless /θ/ and an apical-alveolar sibilant /s̺/— in which the non-palatalization of /ʃ/ is kept in spite of the lack of seseo characteristic of this particular variant.
