Acceso usuarios
Francisca Suárez Coalla
Crónica de la lluz y la solombra (Saltadera: 2015), d’Antón García, ye la narración d’un doble crime qu’asocedió a finales del sieglu XIX na remota braña de La Zorera, nel conceyu de Tinéu: la muerte de Manulina’l Cura y el so naciatín a manes de Rafael Gancedo –home y padre de les víctimes– cola posible intención de casase cola so amante, Concha Calzón, y la non menos tráxica muerte del asesín dos años más tarde espués de ser axusticiáu y condenáu a garrote vil. Esti artículu esplora la naturaleza contradictoria del espíritu humanu, coles sos bondaes y miseries, les sos «lluces y solombres» –presentes na novela– dende una perspeutiva biocultural, dientro del marcu teóricu que surdió nes dos últimes décades lo mesmo nel campu de les ciencies que de les humanidaes. La idea de que l’arte respuende a un procesu d’adautación, que s’asemeya a otros comportamientos sociales básicos –un puntu de vista sofitáu por académicos como Brian Boyd, Joseph Caroll, Jonattahn Gottschall, Geoffrey Miller, Denis Dutton, Ellen Disanayake, Steven Pinker, ente otros– y centráu en temes de gran importancia pa los seres humanos, derivaos estos temes de les nueses necesidaes y los nuesos intereses –los llamaos temes universales como l’amor, l’adulteriu, el resentimientu, l’engañu, l’homicidiu y el sentíu de xusticia– sirven de guía pal estudiu que se fai de la novela d’Antón García, Crónica de la lluz y la solombra, nesti trabayu.
Crónica de la lluz y la solombra (Saltadera: 2015), by Antón García, is the narrative of a crime that occurred toward the end of the 19th century in the remote and isolated village of La Zorera, in the Tinéu county: the death of Manulina’l Cura and her newborn son at the hands of Rafael Gancedo –husband and father to the victims– with the possible intention of marrying his lover Concha Calzón, and of the equally tragic death of the assassin two years later after being condemned to death by garrote. This article is the exploration of the contradictory nature of the human spirit, with its kindness and misery, its «lights and shadows» –that is present in the novel– from a bio-cultural perspective within the evolutionary theory framework that has emerged during the past two decades not only in the fields of science but also in the field of the humanities. The idea that the arts respond to an adaptive process similar to other basic social behaviors –a perspective backed by scholars such as Brian Boyd, Joseph Caroll, Jonattahn Gottschall, Geoffrey Miller, Denis Dutton, Ellen Disanayake, Steven Pinker, among others– and therefore focus on themes vital to human beings as derived from our needs and interests –the so-called universal topics: love, adultery, resentment, deception, homicide and the sense of justice– serve as a guide for the study of Antón García’s novel, Crónica de la lluz y la solombra.
