Acceso usuarios
Alfredo Martínez Expósito
L’oxetivu d’esti trabayu ye proponer una reflexón sobro’l valir cultural de les ficciones cinematográfiques asturianes dende la perspeutiva imagolóxica. Como una de les principales presees de la lliteratura comparada, la imagoloxía tradicional vieno ocupándose del análisis de carauterístiques propies de les lliteratures nacionales como son temes, personaxes y arquetipos, o de la perceición que se tien nel estranxeru d’una lliteratura nacional. Más recién, y gracies a les ufiertes de la socioloxía y de la semiótica, la imagoloxía desendolcó conceutos que valen pa comprender meyor non solo la lliteratura, sinón tamién la producción artística y cinematográfica en sociedaes complexes que yá nun se definen namái qu’acordies con criterios identitarios. Nesti artículu discútense dos d’estos conceutos imagolóxicos referíos al cine fechu n’Asturies anguaño. El primeru pescuda na asimetría ente la imaxe que se proyeuta d’Asturies nel cine de ficción rodáu n’Asturies dende una perspeutiva asturiana (auto-imaxe) y la que s’alvierte nel cine rodáu n’Asturies dende una perspeutiva forana (hetero-imaxe). El segundu conceutu ye’l de marca-llugar (place branding) según se construye, en referencia a Asturies, nel cine contemporaneu. Anque un estudiu percuriáu de la Marca Asturies trespasaría enforma l’ámbitu puramente cinematográficu, l’análisis del cine de ficción fechu n’Asturies ufierta claves mui nidies de les estratexes retóriques y polítiques de la Marca Asturies pola so capacidá pa sintetizar en testos fílmicos de proyeición nacional ya internacional les sos carauterístiques más relevantes. L’emplegu de la llingua asturiana, les referencies lliteraries y cinematográfiques, el comentariu históricu y políticu y el recursu a rellatos promocionales de marca (por poner un casu, «Asturies, Paraísu Natural»), son delles d’estes carauterístiques.
This paper puts forward an imagological analysis of Asturian fiction cinema. Traditionally, imagology has been used in comparative literature as a means of analysis of specific traits of national literatures, such as themes, characters, archetypes and the perceptions abroad. More recently, imagology has adopted sociological and semiotic perspectives to develop more sophisticated analytical tools in the study not only of literature but also of those cinematic and artistic discourses that have become characteristic of contemporary complex, post-identity societies.
The paper focuses on two of these imagological concepts and their possible application to the contemporary cinema made in Asturias. Firstly, the asymmetry between Asturian self-image and hetero-image in fiction films shot in Asturias – the former revealing an Asturian perspective while the latter is commonly associated to non-Asturian views of the region. Secondly, the notion of place branding and the diverse ways it is mobilized in relation to Asturias in contemporary cinema. A detailed study of Brand Asturias would require a much broader analysis and would go beyond the cinematic scope of this paper; however, it is put forward that fiction cinema contains important clues that can shed light in the rhetoric and politics of Brand Asturias as films aptly condense the Brand’s main proposition and project them both to the rest of the county and internationally. Some of the most salient propositions are described in this paper, including the use of the Asturian language, literary and cinematic intertextuality, references to the history and politics and Asturias, and the popular appeal of branding campaigns such as «Asturias, Paraíso Natural / Asturias, Nature’s Paradise»
