Resumen de Euskara ingurune digitalean hedatzeko ditugun hiru erronka: zaintza, adimen artifiziala eta lankidetza teknologikoa

Josu Aztiria Urtaran

• Hizkuntzen arteko arrakala digitala handitzen ari dela dio Europako Parlamentuak 2018ko irailaren 11n onartu zuen “Language equality in the digital age” txostenak. Era berean, Islandia, Frantzia edo Espainiako Gobernuek hizkuntza-teknologien eta adimen artifizialaren alorrean berariazko plan indartsuak martxan jartzeko ekimenak abiatu dituzte. Euskararen bizitasun digitala baliabide urriko beste hizkuntza asko baino hobea izan arren, ez dago arriskutik kanpo, eta azkar baino lehen heldu beharko genioke erronka teknologiko eta sozial honi.