Acceso usuarios
Eurohiriarentzat asmatu beharreko hizkuntz dinamikaz egiten du gogoeta Erramun Baxokek artikulu honetan, batez ere Iparraldeko egoeraren deskribapena egitetik abiatuta. Eurohiriaren egitasmoak agerian utzi digu Euskal Herriak ez duela eremu guztia estaltzen duen hizkuntzarik. Komunikaziorako euskara ez da eraginkorra, bi alderdietan gutxiengoan delako. Iparraldeko jendetzaren erdia, euskaradunen herena, gazteleradunen eta inglofonoen hiru laurdenak eurohiritar izango dira. Horiek horrela, zer hizkuntz dinamika asma dezakegu Eurohiriarentzat? Geroari buruz, bi arazo nagusi azaltzen ditu egileak: euskararen geroa eta estatu hizkuntzen arteko lehia. Azken hamar urte hauetan ingelesari eman zaio lehentasuna, eta gai honetan norabidea aldatu behar genuke bere ustez. Alabaina, gaztelera eta frantsesa eguneroko hizkuntzak bilakatuko dira Eurohiriarekin. Euskal Eurohirian elkar-onarmen linguistikoa izan behar da hasierako urratsa, eta ondorioz, herri hizkuntzen eurokartak indar berria hartuko du.
