¿Hizkuntzei buruzko mintegia mugaz gaindiko eremuan¿; hala deitu zitzaion 2002ko maiatzean Baionan egin zen bi egunetako mintegiaren ondoren ateratako txostenari. Mintegi horretan jasotako ideia nagusiak eta kezkarik nabarmenenak aurkezten dizkigu artikulu honetan Maria-Jose Azurmendik. Europar Batasunean mugabideen arteko eurohiriek izaten dituzten ezaugarriak azaldu ondoren (nola osatzen diren, zertarako, nolako agertoki ideologikoan, etab.), Baiona eta Donostiaren arteko kostaldeak osatzen duen Euskal Eurohiriaren eremuan oinarritzen da, batez ere, egilea, hizkuntzaren arloko kezkak azaleratzeko. Mintegian landu ziren gaiak zerrendatu, eta etorkizunari begira egin beharrekoaz esan zena biltzeaz gain, iritzi kritikoa agertzen du egileak hizkuntzaren inguruan azken urtebetean egin dena zenbaterainokoa izan den ikustean.