Acceso usuarios
Xosé Lluís García Arias 
Ufiertamos dos poemes (ún del sieglu XVII, otru del XIX) qu’amuesen un testimoniu llingüísticu dixebráu del usu de la llingua asturiana en dos sieglos averaos. Nel casu primeru un poema fechu n’Asturies en castellán apaez llingüísticamente entremecíu con rasgos de tipu portugués y asturianu. Nel segundu conséñase un poema de 1843, cuasimente desconocíu del públicu llector; vien n’asturianu dafechu y ufre un tipu de llingua bien iguáu, con un modelu de tipu norteño-oriental lo qu’enllaza con otres manifestaciones lliteraries que tamién algamaren la imprentación naquella dómina. Entenderáse asina que la lliteratura asturiana cola recoyida de materiales escritos de los sieglos medios y modernos, perpoco conocíos en llinies xenerales, podrá encontar l’oxetivu de collaborar a una edición allargada en materiales que vayan más allá y lloñe de los yá conocíos pola Historia de la Lliteratura Asturiana asoleyada pola Academia de la Llingua Asturiana en 2002. Les coleiciones de recuperación de testos qu’esta institución académica vien asoleyando con procuru, de magar la so nacencia, paecen ufrir un camín afayadizu qu’empobina a meyor conocer un idioma que tien una tradición escrita continuada más estimable que lo que de mano abultaría aguardase.
We offer in this work two poems (one from the 17th century, another one from the 19th century) which show a different linguistic testimony of the use of Asturian in two nearby centuries. In the first case, a poem written in Castilian in Asturies, is linguistically mixed with Portuguese and Asturian like features. In the second case a poem from 1843, virtually unknow to the reading public, is reviewed; it is fully written in Asturian and it presents a well constructed type of language, following a north-eastern like model, which is linked to other literary manifestations that were also printed in the same time. It would be then understood that Asturian literature, with the collection of written materials from the middle and modern ages, which were little known in general terms, may be reinforced in the objective of collaborating to a larger edition of materials that go beyond and far away from those already known in the History of Asturian Literature published by the Asturian Language Academy in 2002. The collections of recovery of texts that this academic institution has been publishing with particular care since its origin, seem to offer a suitable path leads to a better knowledge of a language that has a more valuable continued written tradition than what could be expected at first.
