Acceso usuarios
Josefa Dorta Luis 
El proyeutu internacional AMPER (Atlas Multimédia Prosodique de l'Espace Roman) supunxo una gran ufierta pal ámbitu de la Xeografía llingüística por inxerir, como oxetivu cimeru, l’estudiu prosódicu de les llingües y variedaes romániques. Ello fixo posible l’algame d’una bultable cantidá de datos prosódicos, que non solo dexaron conocer meyor cada una de les llingües y variedaes analizaes dende una perspeutiva práuticamente inorada nos estudios tradicionales, sinon y arriendes d’ello, ufrir la posibilidá de facer comparanza ente elles.
La finxadura d’un patrón melódicu con final descendente nes interrogatives absolutes del asturianu y del español canariu, de frente al carauterísticu final ascendente del castellanu y de delles otres variedaes del español, determina fundamentalmente l’interés pola comparanza prosódica ente dambes llingües dende’l puntu de vista dialectométricu a partir de los datos acústicos de dalgunos puntos algamaos polos grupos AMPER-Astur y AMPER-Can. Preténdese, d’esta miente, determinar de forma estadística y, poro, con exactitú, les rellaciones d’alloñamientu y d’averamientu ente l’asturianu faláu en cuatro puntos (Tinéu, Uviéu, Mieres y Ribeseya), representativos d’otres tantes fasteres dialeutales del asturianu (occidental, centro-norte, centro-sur y oriental), y el canariu faláu n’otros tantos puntos de cuatro islles del Archipiélagu: dos de la provincia de Santa Cruz de Tenerife (La Laguna, en Tenerife y San Sebastián, en La Gomera) y dos de la provincia de Las Palmas (Gran Canaria, en Las Palmas y Arrecife, en Lanzarote). Los resultaos llograos afiten una rellación prosódica ente Canaries y la fastera oriental d’Asturies teniendo en cuenta, sobre manera, la modalidá interrogativa.
The international AMPER project (Atlas Multimédia Prosodique de l'Espace Roman) has resulted in a great input towards the area of Linguistic Geography for introducing, as a fundamental objective, the prosodic study of Romance languages and varieties. Such contributions have brought up a large quantity of prosodic data that, besides allowing us to better understand each of the different analyzed languages and varieties from a perspective which was practically ignored in traditional studies, also, given us the chance to compare them.
The delimitation of an intonational falling pattern in the absolute interrogatives found within Asturian and Canarian Spanish, against the characteristic rising pattern found in Castillian (as well as some other varieties of Spanish) determines, fundamentally, the interest of the prosodic comparison between both languages from the dialectometric point of view, stemming from the acoustic data of various points obtained by the AMPER-Astur and AMPER-Can groups. It is aimed to statistically and therefore, accurately, determine the relationships of prosodic distance and proximity between spoken Asturian (from four points, Tinéu, Uviéu, Mieres and Ribeseya, representative of the four Asturian dialectal zones: western, center-north, center-south and eastern) and spoken Canarian from four islands of the Archipelago: two from the province of Santa Cruz de Tenerife (La Laguna, in Tenerife and San Sebastián, in La Gomera) and two from the province of Las Palmas (Gran Canaria, in Las Palmas and Arrecife, in Lanzarote). The obtained results confirm a prosodic relationship between the Canary Islands and the oriental zone of Asturias taking into account, fundamentally, the interrogative modality.
