Acceso usuarios
Iñaki Ugarteburu Gastañares
Euskara Zerbitzuen inguruko gogoeta egitea da lan honen helburua. Horretarako unibertsitatea hartu da erreferentziatzat eta Euskal Herriko Unibertsitatearen azken urteotako esperientzia adierazi nahi izan da. EHUk lan handia egin du irakasleria euskalduntzen eta euskara unibertsitatean normalizatzen, eta orain baditu, euskalgintzako beste erakunde batzuekin batera, hizkuntza zerbitzuak ere. Baina zerbitzu horiek bezeroaren beharretara egokitzea komeni da eta, aldi berean, era ergonomiko eta errentagarrian antolatzeko. Horretarako, EHUn abian diren ekimenak deskribatu dira eta antolamendu horren helburuak eta oinarriak azaldu. Beste erakunde eta, bereziki, beste unibertsitate batzuentzat ere egokia izan daitekeen eredua aurkeztu nahi da, azken batean. Eredu horrek bi mutur biltzen ditu: eredugintza (ereduzko testugintza, estandarizazioa...) eta erabilera sustatzeko neurriak (aholkularitza, formazio planak, trebakuntza...).
