Acceso usuarios
Xarles Videgain 
Elkarrizketa honetan, Baionako Unibertsitatean euskararen egoera zertan den azaldu digu Xarles Bidegainek, eta bereziki, Euskal Ikasketak adarrari buruz luzaz mintzatu zaigu. Baionako Unibertsitatea ez da unibertsitate autonomoa, baizik bi unibertsitateren baitan dago: Paueko eta Bordeleko Unibertsitateak. Bertan, Euskarazko Ikasketen departamentuaren lekua zein den azaldu digu Bidegainek, aurretik, historian pixka kokatuz. Lizentziatura oso bat euskaraz egiteko aukera bakarra Euskal Ikasketena da Baionan, eta ikasketa hauek nola antolatuta dauden azaldu digu. Irakasle euskaldunen kopuruaz eta ikasleen aldetik dagoen euskarazko eskaeraz mintzatu zaigu bertan. Euskararen normalizazioaren ikuspegitik ez da unibertsitatean deus egin. Orain egiten den gehiena ez da Baionako Unibertsitatetik egiten; egiten da kultur erakundeetatik, edo azken urteotan sortu diren beste elkarteetatik. Hori lotua da, Bidegainen ustez, unibertsitateak duen miseriarekin. Besteak beste, IKER ikerketa zentroak unibertsitatearekin duen loturaz, eta Hegoaldeko unibertsitateekin duten harremanaz ere aritu zaigu elkarrizketa honetan.
