Acceso usuarios
Rikardo Sáez, Iñaki Gonzalez, Arantza Urkaregi Etxepare
Hiru sindikatutako ordezkariak elkartu ditugu elkarrizketa hau egiteko: STEE-EILASeko Arantza Urkaregi, LABeko Iñaki Gonzalez, eta ELAko Rikardo Saez. Hainbat gai izan ditugu hizpide elkarrizketa honetan: EHU/UPVko euskararen inguruko diagnostikoa; horretan ezarrita dauden epeak eta helburuak; AZPko langileei eta irakasleei eskatzen zaien euskararen ezagutza maila; Unibertsitate Legearen Aurreproiektuak eskaintzen duena unibertsitateetan euskararen erabilera normaltzeko; unibertsitate politikan lehentasunez eman beharreko urratsak, hizkuntza normalizazioari begira, etab. Besteak beste, unibertsitatera sartzeko egindako hautoproben eta matrikulazioaren arteko desfasea, ikasle euskaldun eta irakasle euskaldunen arteko desoreka, euskalduntze prozesuan dauden oztopoak,... nabarmendu dizkigute sindikatuetako ordezkariok. Titulazioen arabera euskarazko eskaintzari dagokionez dagoen desoreka handia ere azpimarratu dute, eta bereziki, arlo teknikoan eta osasun arloan dagoen zuloa. Amaitzeko, unibertsitateak sindikatuekin duen harremana oso eskasa dela esan digute.
