Acceso usuarios
Europako erakundeek hizkuntzekiko begirunea erakusten dute; baina, beste alde batetik, Europak badauka tradizio luzea, estatu-hizkuntzak ez direnak desagertzeko bidean dauden antzinako aztarnatzat kontsideratzeko. Beraz, Europako erakundeek berek hizkuntzen arteko ezberdintasun kaltegarriak gordetzen dituzte. Ildo horretatik, erakunde horiek badute hizkuntza minoritarioak edo erregionalak babesteko joera; baina ez hizkuntza horiek promozionatzekoa, egunen batean minorizaziotik atera daitezen. Unibertsitateei dagokie gaizki-ulertzeak desegitea eta edozein hizkuntza unibertsitate-irakaskuntzan dagoela baieztatzea, pedagogia egokiak eta hizkuntza horiek erabiliz, batez ere gure esku dauzkagun bitarteko teknologikoekin. Hizkuntza minorizatu askok unibertsitate-irakaskuntzara eramateko zituzten zailtasunak desagertzeko zorian daude gaur egun, internet eta komunikazio unibertsalerako bestelako bitartekoek mugak hautsi baitituzte. Beraz, inoiz baino gehiago, ez dago edozein hizkuntza unibertsitatean ez egoteko arrazoirik. Horretaz guztiaz aritu zaigu Aureli Argemí artikulu honetan.
