Acceso usuarios
Odei Guirado Irasuegi, Jone Rua Alkain
Eman Hegoak Zirimola Ikastolen Aisialdi Taldeak udaran antolatzen dituen udaleku irekien egitasmoa da. Ebaluazio-ikerketa honetan 2023ko udaran antolatutako udalekuetan, aisialdi esku- -hartzeak izandako eragina, eta, ondorioz, euskararen erabilerak izandako bilakaera aztertu da. Halaber, udalekuetako esperientziak haurrentzako bizipen positibo gisa izan duten balioaren balorazioak jaso dira eta aldagai batek eta besteak duten harremanari erreparatu zaio. Modu horretan, helburua izan da erabilitako hizkuntza-estrategiaren eta esku-hartze pedagogikoaren eragina neurtzea, eta, orobat, hobekuntzara bideratutako erabakiak hartzeko aisialdi-programa ebaluatzea. • Hitz gakoak: euskara, erabilera, hezkuntza ez-formala, atxikimendua, aisialdia.
