Acceso usuarios
SEI Elkarteak eta Aztiker Soziologia Ikerguneak elkarlanean buruturiko egitasmoaren berri azaltzen digute Olatz Altunak eta Iñaki Iurrebasok artikulu honetan. Lehen aldiz Euskal Herri osoko hiztun guztien datu estimatuak ditugu, lurraldez lurralde banatuta, adinaren, sexuaren eta bilakaeraren arabera. Informazio hori guztia erraz ikusteko eta aztertzeko, batetik, Internet teknologia erabili dute; eta bestetik, irudi grafiko eta mapei garrantzi berezia eman die. Adibide gisara, artikuluan bertan grafiko eta mapa horietako eredu batzuk txertatu dizkigute. EDB 1.0k lau sailetan banatzen du informazioa: ezagutza datuak, erabilera datuak, eraginkortasun indizeak eta matrikulazio datuak. Datu horiek, esan bezala, adin-taldeka, sexuaren arabera, eta bilakaeraren arabera ikus daitezke esparru ezberdinetan, guztiak geografikoki banatuta, hau da, udalerrika, eskualdeka, herrialdeka eta Euskal Herri mailan. Web-gunearen antolaketari dagokionez, EDB 1.0k hogei pantaila-eredu desberdin biltzen ditu, eta horien azalpen argia eskaintzen digute egileek lan honetan zehar.
