Acceso usuarios
Pilar Fidalgo Pravia
El 20 de xunetu de 1974, nel númberu 267 de la revista Asturias Semanal, cola dictadura franquista dando les bocalaes y nun contestu de crisis social, política, cultural y económica especialmente doliosa n’Asturies, el periodista Melchor Fernández Díaz facía una entrevista a «un grupo de profesores universitarios» que llevaba como titular «Hablemos en bable». Esi grupu de profesores formábenlu Lluis Xabel Álvarez Fernández, Xosé Lluís García Arias y Xuan Xosé Sánchez Vicente, qu’actuaben «como portavoces de un grupo más o menos amplio no organizado, no burocratizado que se ha planteado el objetivo de hacer algo, todo lo importante que se pueda, por la lengua asturiana». La entrevista terminaba cola entruga «¿Qué medios vais a utilizar?» a la que se-y da una rempuesta mui cenciella: «Fundamentalmente escribir, escribir y escribir». Esta entrevista ye l’antoxana del modernu procesu de reivindicación llingüística, lliteraria y cultural que dempués se denomaría Surdimientu. Nesi mesmu añu de 1974, nel nu. 285 de la citada revista, apaeció la primer seición escrita de «Conceyu Bable» roblada «por el grupo C.B.», que se llegalizaría como asociación cultural en 1976, definiéndose como una asociación cultural unitaria que trabayaba pola defensa de la llingua asturiana y d’un movimientu asturianista. Los conteníos que siguen darréu son un averamientu, necesariamente resumíu, a lo que CB significó pal desendolcu de la moderna lliteratura asturiana, una lliteratura que, nesos años 70 del pasáu sieglu, topábase, igual que la llingua y la cultura asturiana en tolos sos aspeutos, nuna situación muncho precaria, por nun dicir llaceriosa, con unos testos afitaos nun tratamientu diglósicu de la llingua y nunes temátiques costumistes pergastaes que fueren repitiéndose a lo llargo de los 40 años que duró la dictadura franquista, xenerando unos modelos lliterarios que, con dalgunes honroses esceiciones, namái se puen calificar como caducos. No que sigue, falaráse, principalmente, de los autores y la lliteratura que s’entamó a facer naquellos años y que foi la qu’abrió pasu al prestamosu panorama lliterariu que podemos disfrutar anguaño.
On July 20, 1974, in issue 267 of the magazine Asturias Semanal, with the Franco dictatorship gasping its last breaths and in a context of social, political, cultural, and economic crisis especially severe in Asturias, the journalist Melchor Fernández Díaz interviewed “a group of university professors” under the headline “Let’s speak in Bable”. This group of professors consisted of Lluis Xabel Álvarez Fernández, Xosé Lluís García Arias y Xuan Xosé Sánchez Vicente, who acted “as spokespersons for a more or less broad, unorganized, non-bureaucratized group that has set itself the goal of doing something, as important as possible, for the Asturian language”. The interview ended with the question “What means are you going to use?” to which a very simple answer was given: “Fundamentally, write, write and write”. This interview is the prelude to the modern process of linguistic, literary, and cultural vindication that would later be called Surdimientu. That same year, 1974, in issue 285 of the aforementioned magazine, the first written section of “Conceyu Bable” appeared, signed “by the CB group”, which would be legalized as a cultural association in 1976, defining itself as a unitary cultural association that worked for the defense of the Asturian language and an Asturianist movement. The contents that follow are an approximation, necessarily summarized, of what CB meant for the development of modern Asturian literature, a literature that, in those 70s of the last century, was, like the Asturian language and culture in all its aspects, in a very precarious, not to say pitiful, situation, with texts based on a diglossic treatment of the language and on worn-out genre themes that had been repeated throughout the 40 years of Franco’s dictatorship, generating literary models that, with some honorable exceptions, can only be described as outdated. We will speak, mainly, of the authors and the literature that began to be made in those years and that was the one that opened the way to the rich literary panorama that we can enjoy today.
