Resumen de Un analís del fenómenu de la concordanza de temporalidá n’asturianu

Avelino Corral Esteban

• Esti estudiu trata d’ufrir un analís del comportamientu funcional de los tiempos y los modos verbales n’asturianu en rellación col fenómenu de la concordanza de temporalidá, ye dicir, de les rellaciones temporales ente los tiempos verbales nes oraciones complexes, coles mires de confirmar si les combinaciones de tiempos verbales puen esplicase al traviés de la cronoloxía relativa ente’l tiempu verbal de la cláusula subordinada y el momentu nel que s’asitia l’aición espresada pol verbu principal. La esistencia de regles sintáctiques combinatories derivaes de la estructura formal que rixen l’usu de los tiempos verbales nes construcciones complexes va ser tamién esaminada, al igual que l’importante papel que xueguen les característiques léxicosemántiques del xuegu del verbu principal nes subordinaes sustantives, les propiedades referenciales del antecedente nominal nes relatives, o les especificaciones denotatives del conector subordinante nes alverbiales, pa complementar la falta de referencia temporal de les formas verbales de dellos tiempos verbales, especialmente del mou suxuntivu, na cláusula dependiente.