Acceso usuarios
Vanessa Bretxa i Riera, Anna Torrijos López, Albert Fabà
Hizkuntza Politika Sailak egin du Ofercat Barcelona 2022 azterlana, merkataritzaren arloan katalanaren erabileraren diagnostikoa zein den jakiteko. Tresna horri esker, udalerri jakin batean katalanez egiten den merkataritza-eskaintzari buruzko adierazleak lor daitezke. Hiru faktore aintzat hartuta, hau da, errotulazioa, agurtzean erabiltzen den mintzaira eta katalanez ahoz aritzeko prestasuna aztertuta, 0 puntutik 100 puntura bitarteko indize bat lortzen da. Artikulu honetan, Bartzelonako merkataritza- establezimenduetan jendeari arreta ematean idatziz eta ahoz zein hizkuntza erabiltzen duten aztertuko dugu, bereziki erreparatuta arreta ematen duen pertsona atzerrian jaiotakoa duten establezimenduei. Emaitzen arabera, idatzitako eta ahozko hizkuntzaren Ofercat indizeen gainbehera hobekien azaltzen duen faktorea hiriaren osaera demografikoaren aldaketa da, jendeari arreta ematen dioten pertsonen tipologia ere aldatu baita horren ondorioz.
